İlk dəfə özbək dilində nəşr olunan “Qara paltarlı qadın” kitabının təqdimatı

Daşkənddə Maqsud İbrahimbəyovun ilk dəfə özbək dilində nəşr olunan “Qara paltarlı qadın” kitabının təqdimatı keçirilib. Tədbir Azərbaycanın Özbəkistandakı səfirliyi nəzdində fəaliyyət göstərən Heydər Əliyev adına Azərbaycan Mədəniyyət Mərkəzində baş tutub. Nəşr yazıçının 90 illik yubileyinə həsr olunub, qonaqlara onun ədəbiyyat, dramaturgiya və kino sahəsinə verdiyi böyük töhfələr də xatırladılıb.

Təqdimat səmimi və isti ab-havada keçib: mədəniyyət və ədəbiyyat nümayəndələri İbrahimbəyovun yaradıcılığından danışıblar, həyat yoldaşı Anna İbrahimbəyova isə onunla bağlı şəxsi xatirələrini bölüşüb. Axşam kitabın motivləri əsasında hazırlanmış səhnə kompozisiyası, rəqs nömrələri və imza saatı ilə davam edib.