Açıq qapı günü

Martın 25-i Maqsud İbrahimbəyov Yaradıcılıq Mərkəzində açıq qapı günüdür. Saat 11:00-dan 17:00-a qədər hər kəs mərkəzi ziyarət edə, Maqsud İbrahimbəyovun muzeyinə və kitabxanamıza baş çəkə, sevimli yazıçını daha yaxından tanıya və ya özü üçün kəşf edə bilər. “Açıq qapı” günü “İçərişəhər” Dövlət Tarix-Memarlıq Qoruğu İdarəsinin rəhbərliyinin təşkilatçılığı ilə həyata keçirilən bayram tədbirləri çərçivəsində keçirilir. Mərkəz gənc rəssamların YUNESKO-nun siyahısına daxil edilmiş Azərbaycanın milli mədəni irsi mövzusunda çəkdikləri rəsm sərgisini təqdim edir.