“Чувства наших душ” adlı şeirlər kitabının təqdimatı

@cultbakuclub: Oktyabrın 25-də Maqsud İbrahimbəyovun yaradıcılıq Mərkəzində gənc şairə Lalə Həsənovanın Cult Baku Klub ilə birgə təşkil etdiyi müasir Azərbaycan şairlərinin “Чувства наших душ” adlı şeirlər kitabının təqdimatı keçirildi. Təqdimat axşamını Maqsud İbrahimbəyovun Ev Muzeyini qonaqlar ilə tanış edən hörmətli Anna İbrahimbəyova açdı. Layihənin təşkilatçısı şairə, müəllimə, fizika elmləri magistri Lalə Həsənova Azərbaycanda poeziyanın yüksək səviyyədə saxlanılmasının vacibliyini qeyd edib.

Təqdimat axşamında Azərbaycanın parlaq incəsənət xadimləri iştirak etmişdirlər. Toplunun nəşri münasibətilə Yazıçılar Birliyinin üzvləri Səidə Sübhi və Ələddin Yaqubov iştirakçıları təbrik etdilər, məhz onların rəyləri gənc şairlərin dəstəklənməsində mühüm rol oynayıb, layihə gənc istedadları dəstəkləyən Bakıdakı Rus Evinin rəhbəri İrek Zinnurov tərəfindən formalaşmış və təşkil edilmişdir. Təqdimat axşamında Gülnarə Şamiyeva və 3 nömrəli Uşaq evinin himayəsi altında olan uşaqlar iştirak edib, onların arasında Mehdiyeva Sara Azərbaycan dilində öz şeirlərini səsləndirmişdi.