“Gedim bir az ağlayım” adlı romans və poeziya gecəsi

Leyla Əliyevanın şeiri əsasında adlandırılan “Gedim bir az ağlayım” adlı romans və poeziya gecəsi tamaşaçılara incə, səmimi və emosional bir atmosfer bəxş etdi.

Layihənin təşəbbüskarı pianoçu və bəstəkar Sevda Rəhimova olub. Proqramda romanslar və vokal əsərlər səsləndirildi, poetik parçaları isə Xəzər Süleymanlı səsləndirdi. Gecədə həmçinin əməkdar artistlər Fəridə Məmmədova və İlham Nəzərov da iştirak ediblər.

Musiqili-poetik gecə Azərbaycan bəstəkarlarının və müasir müəlliflərin əsərlərini bir araya gətirdi. Layihə bu əsərləri daha geniş auditoriyaya yaxınlaşdırmaq və onları ölkə hüdudlarından kənarda təqdim etmək məqsədi daşıyır.