Yazıçı-fantast Yevgeniy Voyskunskinın yaradıcılığı haqqında

Maqsud İbrahimbəyov Yaradıcılıq Mərkəzində Azərbaycan Elm və Təhsil Nazirliyinin və NG Creators Club-ın dəstəyi ilə tanınmış bakılı, yazıçı-fantast Yevgeni Voyskunskinin yaradıcılığına həsr olunmuş tədbir keçirilib.

Yazıçının oğlu M. Lomonosov adına Moskva Dövlət Universitetinin müəllimi Aleksandr Voyskunski Moskvadakı Yazıçının Xatirə Muzeyinin açılışı ilə bağlı təqdimat nümayiş etdirib. Alim-psixoloq görüşün gənc iştirakçılarına, məzunu yazıçı Yevgeni Voyskunski olan Bakı şəhər 1 nömrəli tam orta məktəbin şagirdlərinə gələcək üçün dəyərli hədəflər formalaşdırmaq üçün keçmişin ədəbi irsinə daha çox müraciət etməyi tövsiyə edib.

Sonda 2024-cü ildə Maqsud İbrahimbəyov Yaradıcılıq Mərkəzində Elm və Təhsil Nazirliyinin dəstəyi ilə təşkil edilməsi planlaşdırılan Voyskunskinin “İmkansızın formulu” əsəri əsasında ən yaxşı esse üzrə növbəti müsabiqənin şərtləri təqdim edilib.