“Mən həyatda olmayanda” kitabının təqdimatı

Bu gün Maqsud İbrahimbəyov Yaradıcılıq Mərkəzində “Mən həyatda olmayanda” kitabının təqdimat mərasimi baş tutub. Yaradılmış gənc layihənin iştirakçıları yaradıcılıq birliyinin Yaradan Project layihəsi çərçivəsində ərsəyə gəlib .

Bu qeyri-adi kitaba uşaqların çəkdikləri rəsm, fotoşəkillər, həmçinin onların çox böyük fikirləri, fəlsəfi mövzuları da daxil olub.

Təqdimat mərasimində uşaqlar rəqs performans göstərmiş, həmçinin öz səmimiliklərini itirməyərək böyüklərlə dialoq qurmuşlar.

2018-ci ilin yanvarında başlayan YARADAN layihəsi 12 yaşından 16 yaşınadək internatda tərbiyə alan kimsəsiz və aztəminatlı ailələrdən olan uşaqların, o cümlədən fiziki imkanları məhdud olan uşaqların inkişafı və onların bacarıqlarının reallaşdırılması və üzə çıxarılması məqsədini daşıyır.