Maqsud İbrahimbəyov Yaradıcılıq Mərkəzi ilk qonaqlarını qəbul edib

Aprelin 5-də Maqsud İbrahimbəyov Yaradıcılıq Mərkəzi ilk qonaqlarını qəbul edib. Belə ki, mərkəzimizdə “Söz” ədəbi layihə çərçivəsində poeziya gecəsi keçirilmiş, burada Leyla Əliyevanın, Nigar Həsənzadə, Səidə Sübhi, Atika Əliyevanın və Mehman Rəsulovanın şeirləri səslənmişdir. Məşhur pianoçu Fərhad Bədəlbəyli, Maqsud İbrahimbəyovun həyat yoldaşı və ilham mənbəyi olan Anna xanıma həsr etdiyi şeirini oxuması orada toplanmış bütün insanlar üçün əsl kəşf oldu.. Bu gecənin belə səmimi, içdən və xoş olmasının əsas səbəbkarlarından biri isə gecənin iştirakçılarıdır ki, onlara dərin minnətdarlığımızı bildiririk.